Засгийн газрын хуралдаанаас гарсан шийдвэрийн талаар танилцуулж байна.

Эрчим хүчний сайд Н.Тавинбэх:

-Оюу толгой төслийн цахилгаан эрчим хүчний хэрэглээг дотоодоос хангах ажлын хэсгээс оруулсан гэрээний төслийг Засгийн газар хэлэлцэж дэмжлээ. Иймээс бид "Оюу толгой" ХХК-ийн төлөөллүүдтэй 17.00 цагаас уулзаж Оюу толгойн цахилгаан эрчим хүчний хэрэглээг дотоодоос хангах, худалдах, худалдан авах гэрээг албажуулахаар тохироод байна.

Энэ гэрээ албажсанаар БНХАУ-аас авч байгаа 120 сая ам.доллартай тэнцэхүйц жилийн борлуулалтыг Монгол Улсын эрчим хүчний салбарт авч үлдэх боломж бүрдэнэ гэв.

---