Монголын уламжлалт сар шинийн баярыг угтан Архангай аймгийн цагаан идээ үзэсгэлэн худалдаа энэ сарын 15-наас 30-ныг дуустал Тусгаар тогтнолын талбайд зохиогдож байна.
Үзэсгэлэнд тус аймгийн 16 сумын малчид уламжлалт арга технологиор боловсруулсан экологийн цэвэр бүтээгдэхүүн, сүү, цагаан идээгээ малчны хотноос хэрэглэгчдийн гарт хүргэж байгаа юм.

Үзэсгэлэн худалдаанд оролцож буй малчид “Алаг чихрийг ааруулаар сольё” хэмээн уриалж сарлагийн өрөм, ааруул, цагаан идээгээ боломжийн үнээр борлуулах аж.
Цагаан идээний үнэ ханшийн мэдээлэл: 

• Шар тос 25-30 мянган төгрөг
• Зөөхий өрөм 20-25 мянган төгрөг
• Ааруул 20-25 мянган төгрөг
• Тавгийн ааруул 210 мянган төгрөг
• Өрмөн тос 25 мянган төгрөгийн үнэтэй байна. 

---