Японы мэргэжлийн сумо бөхийн Хацу башёгийн 10 дахь өдрийн барилдааныг шууд дамжуулан үзүүлж байна. 

Есөн өдрийн дараах байдлаар дээд зиндаанд Секивакэ Митакеуми есөн даваатайгаар башёг ганцаараа тэргүүлж байгаа бол түүний араас Ёкозүна Тэрүнофүжи Г.Ган-Эрдэнэ найман даваа, нэг унаатай тэргүүлэгчдийн эгнээнд бичигдэж байна. Хацу башёгийн ес дэх өдрийн барилдааны тойм болон дөрвөн зиндаанд барилдаж буй монгол бөхчүүдийн даваа, унааны явцын мэдээллийг ЭНД дарж үзнэ үү. 

Хацу башёгийн 10 дахь өдөр дээд зиндаанд барилдах монгол бөхчүүдийн оноолтын мэдээлэл: 

Маэгашира 6 Хошорюу С.Бямбасүрэн (6-3) - Маэгашира 9 Шиманоуми (4-5)
Маэгашира 5 Чиёошома Г.Мөнхсайхан (4-5) - Маэгашира 10 Мёогирюу (4-5)
Маэгашира 2 Ичиножо А.Ичинноров (5-4)  - Маэгашира 3 Тамаваши Б.Мөнх-Оргил (6-3)
Маэгашира 1 Кирибаяама Б.Лхагвасүрэн (3-6) - Маэгшира 1 Вакатакакаге (4-5)
Ёкозүна Тэрүнофүжи Г.Ган-Эрдэнэ (8-1) - Маэгашира 5 Оношо (6-3)

Өнөөдөр Ёкозүна Тэрүнофүжи Г.Ган-Эрдэнэ Оношотой найм дахь удаагаа учраа тааран барилдах ба Ёкозүна Тэрүнофүжи Г.Ган-Эрдэнэ өмнө нь түүнийг гурван удаа давж байлаа. Харин Ичиножо А.Ичинноров болон Тамаваши Б.Мөнх-Оргил нарын монгол бөхчүүд 18 дахь удаагаа хоорондоо учраа таарсан байна. Тэдний даваа, унааны харьцаа: Ичиножо А.Ичинноров 9:8 Тамаваши Б.Мөнх-Оргил. 

Башёг ганцаараа нэг ч унаагүйгээр тэргүүлж буй Секивакэ Митакеуми өнөөдөр Хокутофүжитэй 23 дахь удаагаа учраа тааран барилдана. Тэдний даваа, унааны харьцаа:  Секивакэ Митакеуми 12:10 Хокутофүжи