Нийтэлсэн:   Д.Төв

2 жилийн өмнө

"МҮОНТВ-ийн Үндэсний зөвлөлийн гишүүдийн 80 хувь нь хууль зөрчин томилогдсон" талаар бид өчигдөр мэдээлсэн. Дээдэх нь суудлаа олохгүй бол доодох нь гүйдлээ олохгүй гэдэг үг бий.

МҮОНТВ-ийн Үндэсний зөвлөлийг хууль зөрчин томилсон нь Ерөнхий захирал А.Бүрэнбаатарыг дураараа дургихад хүргэж байгаа бололтой. МҮОНТВ-ийн нэр бүхий 73  ажилтан ерөнхий захирлын хууль зөрчин дураараа дургиж байгаа баримтыг УИХ-ын Төрийн байгуулалтын байнгын хороонд хүргүүлсэн байна. Энэ асуудлыг өнөөдөр тус Байнгын хороогоор хэлэлцэхээр болжээ. 

Тус байгууллагын ерөнхий захирал А.Бүрэнбаатар нь 2021 оны гуравдугаар сарын 5-нд ажилд томилогдсоноос хойш орон тоо, бүтцэд байхгүй зургаан ажлын байрыг шинээр бий болгон, өндрөөр цалинжуулж, 82 хүнийг ажлаас халж, 95 хүнийг шинээр томилжээ. Хамгийн ноцтой нь энэхүү 95 хүн нь А.Бүрэнбаатарын танил тал, найз нөхдийн хүрээллийн хүмүүс байгаа гэжээ. Цаашилбал, МҮОНТВ-ийн удирдах бүрэлдэхүүнийг 100 хувь шинэчилж, бүгдийг нь үүрэг гүйцэтгэгчээр тавьсан нь холбогдох хуулиудыг зөрчиж байна гэв. 

Боловсон хүчний бодлогыг алдагдуулж байгаагаа гадна санхүүгийн олон тооны зөрчил гаргасан гэж гомдолд дурджээ. Тухайлбал, дотоод нөөц, ажиллах хүчээрээ хийх боломжтой ажил үйлчилгээг 113 сая төгрөгөөр гадны байгууллага, иргэдээс авсан. Уламжлагдаж ирсэн нийгмийн даатгалын 901 сая төгрөгийн өрийг одоогоор 1.9 тэрбум болгож нэмэгдүүлсэн. Ажилчдын цалин хөлсийг олгохын тулд гурван удаагийн гүйлгээгээр /ҮЗ-ийн зөвшөөрөлгүйгээр, нууцаар үйлдсэн/ 12 сая төгрөг авч, олгосон гэж тус тус дурджээ. 

Сурталчилгаа