Эрдэнэт үйлдвэр 2021 онд эхлүүлсэн бүтээн байгуулалтын томоохон ажлуудаа энэ онд үргэлжлүүлж, дуусгахын зэрэгцээ төлөвлөгөөт төсөл хөтөлбөрүүд хэрэгжиж эхэлнэ.

Тухайлбал, Ус хангамжийн цехийн 3-р шугамын өргөтгөл, Ил уурхайн Тэсрэх бодисын үйлдвэр, Мөчлөгт урсгалт тээврийн технологийн төсөл, Ногоон хөгжлийн төв, “Эрдэнэт” соёл спортын цогцолбор зэрэг ажлуудаа дуусгана.

Мөн 2022 онд овоолго ашиглах үйлдвэр барьж, Зэс хайлуулах, боловсруулах үйлдвэрийн бүтээн байгуулалтыг эхлүүлэхээр төлөвлөжээ. 

Монголчуудын уламжлалт цагаан сар, хаврын тэргүүн сарын шинийн нэгэн энэ жилийн хувьд эрт тохиож байгаа тул өнгөрсөн жилийн үйлдвэрлэл, эдийн засгийн үзүүлэлтээ дүгнэж, тайлангаа энэ сард багтаан хэлэлцэнэ.

Мөн сар шинийн баярын өмнө уламжлал ёсоор үйлдвэрийн хөдөлмөрийн аваргуудаа тодруулж, ажилтнууддаа 13 дахь сарын цалин олгох юм байна. 

---