- Нүүр
- Улс төр
- Видео мэдээ
- Чуулган
- Нийгэм
- Хууль эрх зүй
- Соёл урлаг
- Хэрэг зөрчил
- LIVETV CONTENT
- Бусад категори
Шүүхийн сахилгын хорооны хурлаар Сүхбаатар дүүргийн Эрүүгийн хэргийн анхан шатны шүүхийн шүүгч Х.Идэр, З.Болдбаатар болон Булган аймаг дахь Сум дундын шүүхийн шүүгч Д.Отгонбаатар нарт холбогдох асуудлыг хэлэлцэхээр болжээ.
Гэвч оролцогч Д.Отгонбаатар "Өнөөдөр хагалгаанд орж байна" гэх хүсэлт мөн өмгөөлөгч н.Батсүхийн хэргийн материалтай танилцах хүсэлт харин оролцогч, шүүгч З.Болдбаатар "Шүүх хуралдаан давхцаж байгаа" гэх хүсэлтийг ирүүлжээ. Шүүхийн сахилгын хороо дээрх хүсэлтүүдийг хянан, Д.Отгонбаатарын хүсэлтийг хүндэтгэн үзэх шалтгаан гэж үзээгүй аж.
Харин өмгөөлөгч н.Батсүхийн хүсэлтийг хангаж, хэргийн материал, нотлох дүгнэлттэй танилцах эрхээр хангаж, оролцогч З.Болдбаатарын шүүх хуралдаан давхацсан хүсэлтийг мөн харгалзсанаар Сахилгын хянан үзэх хуралдааныг 2022 оны нэгдүгээр сарын 20-ны 09:00 цагт хүртэл хойшлуулахаар шийдвэрлэжээ.
Эргэн сануулахад, өмгөөлөгч Б.Баасанцогт зүй бус үйлдэл гаргахад Сүхбаатар дүүргийн Эрүүгийн хэргийн анхан шатны шүүхийн шүүгч З.Болдбаатар, Булган аймаг дахь Эрүүгийн хэргийн анхан шатны шүүхийн шүүгч Д.Отгонбаатар, Сүхбаатар, Чингэлтэй, Баянзүрх дүүргийн Эрүүгийн хэргийн анхан шатны шүүхийн шүүгч Х.Идэр нар хамт байсан нь нийгмийн сүлжээнд тарж, багагүй шүүмжлэлд өртөж байсан юм. Дээрх гурван шүүгчид сахилгын арга хэмжээ авах тухай гомдлыг “Нэхүүл”, “Дархан Монгол ногоон нэгдэл” төрийн бус байгууллагуудаас Шүүхийн сахилгын хороонд гаргасан билээ.
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй
байж, өөрийн болоод хүний үзэл бодлыг хүндэтгэнэ үү.