Европын нийт хүн амын тал хувь нь ирэх 6-8 долоо хоногийн дотор коронавирусийн "Омикрон" хувилбарын халдвар авна гэж Дэлхийн Эрүүл Мэндийн Байгууллагаас анхааруулжээ.

Тус байгууллагын Европын бүсийн захирал, доктор Ханс Клюге энэ талаар мэдэгдэхдээ "Омикроны халдварын баруунаас зүүн тийш чиглэсэн түрлэг Европ даяар тархаж байна. Түүнчлэн Дельта хувилбарын халдвар дахин өсөж байна" хэмээн тэмдэглэсэн юм.

2022 оны эхний долоо хоногт Европ даяар цар тахлын долоон сая шинэ тохиолдол бүртгэгдсэн бөгөөд энэхүү таамаглалыг үүн дээр үндэслэн гаргасан аж. Халдварын тоо хоёр долоо хоногийн хугацаанд хоёр дахин нэмэгдсэн байна.

Сүүлийн үеийн судалгаагаар, Омикрон нь коронавирусийн өмнөх хувилбаруудаас хөнгөн өвчлөлтэй гэж тогтоогдсон хэдий ч халдварлах чадвар өндөртэй бөгөөд вакцинжуулалтад бүрэн хамрагдсан хүмүүс ч өвчлөх боломжтой юм. Үүний улмаас олон улсын эрүүл мэндийн тогтолцоо хүнд байдалд орж, эмнэлгүүд хэт ачаалалд ороод байна.

Эх сурвалж: BBC

---