Бүгд Найрамдах Казахстан Улсад үүсээд буй нөхцөл байдалтай холбогдуулан тус улсад ажиллаж, амьдарч буй Монгол улсын иргэдийн тухай Гадаад харилцааны яамнаас тодрууллаа.

ГХЯ-ны Консулын газрын захирал Б.Болд:

Өнөөдрийн байдлаар манай улсын нийт 4,028 гаруй иргэн Казахстанд ажиллаж, амьдарч байна.

Үүнээс

• 1,600 хүн хууль ёсны дагуу
• 1,383 хүн хууль бусаар оршин сууж
• нийт 1,045 оюутан сурч байна. 

Гадаад харилцааны яам болон Нурсултан дахь Элчин сайдын яамнаас иргэдийн эрх ашиг, аюулгүй байдлыг хамгаалах үүднээс шаардлагатай арга хэмжээг авч ажиллаж байна.

Казахстан Улсад үүсээд буй нөхцөл байдалтай холбогдуулан манай улсын иргэн гэмтсэн бэртсэн мэдээлэл Консулын газрын шуурхай утсанд одоогоор ирээгүй байна. Мөн нутаг буцах хүсэлт гаргасан иргэн байхгүй байна.

Гадаад харилцааны яамны зүгээс үйл явдлын явцыг үргэлжлүүлэн анхааралтай ажиглаж байгаа бөгөөд жагсаал, цуглаан болж буй газруудаар явахгүй байхыг БНКазУ-д байгаа иргэддээ зөвлөж байна хэмээн мэдээллээ.

---