Коронавирусийн халдварын эсрэг урьдчилан сэргийлэх арга хэмжээ болон вакцинжуулалтын хөтөлбөрийг сайн дагаж мөрдвөл тус цар тахал ирэх 5 дугаар сар гэхэд дуусаж магадгүйг ОХУ-ын Ариун цэврийн ахлах байцаагч асан, эпидемиологич Геннадий Онищенко мэдэгджээ.

Тэрээр "5 дугаар сар хүртэл маш их хугацаа байна. Хэрэв бид шаардлагатай зүйлсээ одоо хийвэл удахгүй халдварын тархалт удааширч, ядаж хяналтад орох ёстой" хэмээн тайлбарласан байна.

Түүнчлэн Онищенкогийн үзэж байгаагаар, тус улсын эрх баригчид сандарч тэвдэн, цалинтай амралтын өдрүүд зарлах шаардлагагүй бөгөөд оронд нь цар тахлын эсрэг дархлаажуулалтад бүрэн анхаарах хэрэгтэй аж.

Эх сурвалж: TASS

---