Орон сууцны 12 давхраас үсрэх гэж байсан иргэдийг онцгойгийн алба хаагчид аварч, эсэн мэнд буулгажээ.

Тодруулбал, хоёр эмэгтэй хүн үсрэх гээд байна гэсэн дуудлагыг нэгдүгээр сарын 4-ны өдрийн 20:16 цагт хүлээн авчээ.

Нийслэлийн Аврах ангийн алба хаагчид 3.6 км замыг туулан Хан-Уул дүүргийн 20 дугаар хорооны 89 дүгээр байр /Мишээл экспо худалдааны төвийн зүүн талд/ 12 давхар орон сууцны барилгын дээврээс согтууруулах ундаа хэрэглэсэн М /56 настай, эмэгтэй/, Б /54 настай, эмэгтэй/ нар дээврээс унах гэж байсныг эсэн мэнд буулгаж Хан-Уул дүүргийн Цагдаагийн 1 дүгээр хэлтсийн жижүүрийн бүрэлдэхүүнд шилжүүлэн өгсөн.

---