Европын хэд хэдэн оронд шинэ он солигдох мөчид салют буудахыг хориглосон хэдий ч иргэд үүнийг зөрчсөн бөгөөд салютад өртсөн гурван хүн амиа алдаж, олон хүн гэмтэж бэртжээ.

Нидерландын нэгэн эрэгтэй гар аргаар салют хийж, буудуулсны улмаас 12 настай хүү амь насаа алдаж, өөр нэг хүн хүнд шархаджээ. Бүс нутгийн цагдаа нар одоо тус эрэгтэйг баривчлаад байгаа аж.

Харин Германы баруун хэсгийн Хеннеф хотод салют буудуулах үеэр дэлбэрэлт болж, 37 настай эрэгтэй нас барсан баржээ. Түүнчлэн тус улс даяар салютын улмаас хэд хэдэн хүн шархадсан гэж албаныхан мэдээлсэн юм.

Тэгвэл Нидерландад 80 гаруй хүн шархадсаны дотор дэлбэрэлтийн улмаас хөл, гараа алдсан иргэд ч байгаа аж.

Эдгээр хоёр улсад коронавирусийн цар тахлын улмаас Шинэ жилийн баярын үеэр салют худалдаалахыг хориглосон билээ. Гэвч олон тооны иргэн салют худалдаж авахын тулд хил давж, зарим нь гар аргаар хийсэн байна.

Эх сурвалж: BBC

---