Монгол улсын Засгийн газрын ээлжит хуралдаан өнөөдөр боллоо. Хуралдаанаар коронавирусийн омикрон хувилбар орж ирэхээс сэргийлж 5.6 тэрбум, Замын-Үүд-Эрээний боомтын ачаа, эргэлтийг хурдасгахад 3 тэрбум төгрөгийг Засгийн газрын нөөц хөрөнгөнөөс гаргахаар шийдвэрлэжээ. 

Мөн, орон сууцны иргэдийн цахилгаан, дулааны төлбөрийн 250кВт.ц хүртэл, гэр хорооллын иргэдийн 350кВт.ц хүртэлхийг 2022 оны 5 дугаар сарын 31 хүртэл төрөөс даахаар болсон байна. 

Эрчим хүчний сайд Н.Тавинбэх: 

-Цахилгаан, дулааныг төрөөс даах бодлого иргэд, аж ахуйн нэгжүүдэд бодит дэмжлэг болсон гэдэгт эргэлзэхгүй байна. Энэхүү ажилд 890 тэрбум төгрөг зарцуулаад байна. Энэхүү бодлогыг үргэлжлүүлэхээр болсон нь мөн бодит дэмжлэг болж чадна гэж үзэж байгаа. Тус кв/ц-аас илүү гарсан төлбөрөө иргэд, ААН өөрсдөө төлнө гэлээ. 

---