Энэ оны 1-11 дүгээр сарын хооронд гадаадын 667,939 иргэн ОХУ-ын иргэншилтэй болсон гэж тус улсын Дотоод хэргийн яамнаас мэдээлжээ. Энэ нь өнгөрсөн оны мөн үеэс бараг 105 мянгаар нэмэгдсэн үзүүлэлт аж.

Түүнчлэн, сүүлийн 11 сарын хугацаанд цагаачаар бүртгүүлсэн гадаадын иргэдийн тоо ч нэмэгдсэн гэнэ. 2020 онд энэ тоо 8,983,944 байсан бол энэ оны 1-11 дүгээр сар хүртэл нийт 11,895,887 цагаач бүртгэгдсэн байна.

ОХУ-ын иргэншил авах эрэлт хэрэгцээ нэмэгдэж байгааг Оросын Дотоод хэргийн яамны Цагаачлалын ерөнхий газрын дарга Валентина Казакова өнгөрөгч 9 дүгээр сард мэдээлж байсан билээ. Түүний хэлснээр, Оросын иргэншил авах хүсэлтэй хүмүүсийн нэлээд хэсэг нь Украйн, Беларусь, Молдав, Казахстаны иргэд аж.

Эх сурвалж: TASS

---