FIBA3х3 сагсанбөмбөгийн дэлхийн чансааг тэргүүлэгч 12 баг өрсөлддөг Jeddah Final тэмцээн зохион байгуулагдлаа.
2021 онд зохион байгуулагдсан Jeddah Final тэмцээнд дэлхийн шилдэг 12 баг, "Токио-2020" олимпын наадамд өрсөлдсөн 16 тамирчин өрсөлдлөө. Манай Улаанбаатар ММС Энержи баг энэ удаагийн тэмцээнд багахан оноо дутсаны улмаас оролцож чадаагүй юм.
Шигшээ тоглолтод Сербийн Лиман болон ОХУ-ын Гагарин багууд тунан үлдсэн ба 21:14 харьцаагаар Лиман баг ялалт байгууллаа.
Мөн түүнчлэн "Токио-2020" олимпын наадмын хүрэл медальт Лиман багийн Михайл Васич тэмцээний MVP шагнал хүртлээ.
