Мэргэжлийн дартсын корпорациас зохион байгуулдаг 29 дэх удаагийн дартсын ДАШТ Англи улсын Лондон хотноо зохион байгуулагдаж байна.
Энэ сарын 15-ны өдрөөс 2022 оны нэгдүгээр сарын 3-ныг хүртэл зохион байгуулагдах ДАШТ-д дэлхийн чансааны эхний 32 тамирчин, удаах 32 тамирчин, олон улсын квотоор өрсөлдөх 32 тамирчин буюу нийт нийт 96 тамирчин өрсөлддөг уламжлалтай.
Өнгөрсөн оны дэлхийн аварга Уэлсийн Гервин Прайс чансааг толгойлж байгаа бол 2020 оны дэлхийн аварга Шотландын Петр Врайт, дэлхийн гурван удаагийн аварга Майкл Ван Гервин нар шил даран тэргүүлэгчдийн эгнээнд бичигдэж байна.
Одоогийн байдлаар нэг, хоёрдугаар тойргийн тоглолтууд явагдаж байгаа ба анх удаа ДАШТ-д өрсөлдөж буй Шотландын залуу тамирчин Виллиам Борланд "есөн сумны амжилт" үзүүллээ. Энэ нь дартсын спортод хамгийн өндөр үзүүлэлт бөгөөд 501 онооноос есөн сумаар хожил байгуулах төгс хожил юм.
