Хүний эрхийг хамгаалах өдрийг тохиолдуулан О.Цогтгэрэл даргатай Ардчилсан намаас хэвлэлийн бага хурал зохион байгууллаа. 

АН-ын ЗГХЭГ-ын дарга О.Ган-Очир: 

-Өнөөдөр Хүний эрхийг хамгаалах өдөр. Сүүлийн хоёр жилд ардчиллын 30 жилийн түүхэнд гарч байгаагаагүй ихээр хүний эрх зөрчигдлөө. Төр ковидоор далимдуулан яагаад хүний эрхийг зөрчив? 

2020 оны 12 сарын 2-нд: Сэлэнгээс ирсэн хүүхэд 22-ын товчоон дээр орж чадахгүй удсанаас ЭХЭМҮТ-д нас барсан. 

2020 оны 12 сарын 4-нд: Аав, ээж нь халдвар авсан хүүхдийг тусгаарлах байрнаас гарч ирэхэд гэрт нь оруулаагүй. 

2020 оны 12 сарын 7-нд: Архангай аймгаас ирсэн эмэгтэй 22-ын товчоон дээр нас барсан. Энэ мэт олон тохиолдлыг дурдаж болно. 

Хуульч О.Алтангэрэл: 

-Иргэд эмнэлгийн тусламж, үйлчилгээ авч чадахгүй байсаар байна. Сүхбаатарын талбайд үзэл бодлоо илэрхийлсэн залууст эрүүгийн хэрэг үүсгэж байна. Дарханы замд хүмүүс хэдэн арваараа нас барж байна. Өмгөөлөл хийсэн өмгөөлөгчид яллах дүгнэлт үйлдэж байна.

Монгол улсын хүний эрх Улаанбаатарын агаарын бохирдолтой адил болчихоод байна. Дотроос харагдахгүй, харин олон улсад хамгийн их бохирдолтой арван улсын нэг хэвээр байна. 

АН-ын Дотоод сонгуулийн хорооны дарга И.Мөнхжаргал: 

-Улс төрийн агуулгатай нийтлэлээс хоёр, гурван өгүүлбэр авч ярьсны төлөө би өнөөдөр яллагдагчаар татагдаж, шүүхэд шилжээд байна. Монголд хүний эрх ийм байдалтай л байна. 

---