Өмнөд Солонгост гадаадын иргэдийн улс орондоо тариулсан вакциныг хүлээн зөвшөөрч, тэднийг коронавирусийн эсрэг "вакцинжуулалтад хамрагдсан" гэж үзэхээр болсныг тус улсын Халдварт өвчний хяналт, урьдчилан сэргийлэх агентлагаас мэдээлжээ.

Энэхүү арга хэмжээний хүрээнд гадаадын иргэдийг "Вакцины пасс" хөтөлбөрт хамруулж, БНСУ-д нэмэлт тун тариулах боломжийг олгох юм.

Үүнээс өмнө, зөвхөн солонгос иргэдийн хилийн чанадад тариулсан вакцины бүртгэлийг хүлээн зөвшөөрдөг байсан бөгөөд бизнес, эрдэм шинжилгээ, олон нийтийн болон хүмүүнлэгийн шалтгаанаар яаралтай, зайлшгүй нэвтрэх шаардлагатай гадаад иргэдээс тусгаарлалтаас чөлөөлөх гэрчилгээ шаарддаг байсан билээ.

Ингэснээр, дархлаажуулалтад бүрэн хамрагдсан гадаадын иргэд тус улсын бүртгэлд "Вакцин тариулаагүй" гэсэн ангилалд багтах болсон аж. Гэвч энэ нь гадаадын иргэдийг ялгаварлан гадуурхсан явдал гэх шүүмжлэл хүчээ авсан бөгөөд Өмнөд Солонгос дахь гадаадын улс орнуудын Элчин сайдын яамд үүнийг эсэргүүцэн, "шударга бус" үйлдлээ зогсоохыг уриалжээ.

Шинэ журмын дагуу, "Пфайзер", "Жанссен", "Модерна", "АстраЗенека", "Ковишилд", "Синофарм", "Синовак", "Коваксин" зэрэг зөвхөн ДЭМБ-аас зөвшөөрөгдсөн вакцинуудыг бүртгэх юм.

Эх сурвалж: The Korea Times

---