ХБНГУ-ын үндэсний болон бүс нутгийн удирдагчид коронавирусийн эсрэг вакцинжуулалтад хамрагдаагүй хүмүүсийг олон нийтийн болон үйлчилгээний газруудад нэвтрэхийг хоригложээ.

Шинэ журмын дагуу, зөвхөн вакцин тариулсан эсвэл саяхан цар тахлаар өвчлөөд, эдгэрсэн иргэдийг ресторан, кино театр, амралт зугаалгын газар болон олон төрлийн дэлгүүрээр үйлчлүүлэхийг зөвшөөрөх аж. Тус улсад коронавирусийн халдварын дөрөв дэх давлагаа дэгдээд байгаа бөгөөд сүүлийн 24 цагт 388 хүн нас барсан байна. Түүнчлэн "Омикрон" шинэ хувилбарын тархалт эрсдэлтэй нөхцөл байдлыг үүсгээд байгаа билээ.

Удахгүй албан тушаалаа өгөх Канцлер Ангела Меркель энэхүү арга хэмжээг "үндэсний эв нэгдлийн" үйлдэл гэж тодорхойлсон ба ирэх оны 2 дугаар сар гэхэд вакцинжуулалтыг заавал шаардлагатай зүйл болгож магадгүй гэж мэдэгджээ. Дараа долоо хоногийн лхагва гарагт Канцлерын албан тушаалыг хүлээн авах төлөвтэй байгаа Олаф Шольц мөн энэ алхмыг дэмжинэ гэдгээ илэрхийлээд байгаа юм.

Германы 16 муж, холбооны удирдагчдын тохиролцсон арга хэмжээний дагуу:

• Вакцин тариулаагүй иргэд зөвхөн гэр бүлийн гишүүд болон өөр хоёр хүнтэй уулзах боломжтой
• Зул сарын баяр хүртэл 30 сая тун вакциныг тарина
• Хөлбөмбөгийн тэмцээн зэрэг гадаа талбайн арга хэмжээнүүдийн үзэгчдийн тоог 15 мянгаар хязгаарлана
• Шинэ жилийн баяраар салют буудуулахыг хориглоно.

Эх сурвалж: BBC

---