Өнөөдөр жолооч та тэвчээртэй, хүлээцтэй замын хөдөлгөөний дүрмээ сахиж, оролцох юм бол 1-2 хүний амь насыг аварч, 15-20 хүн бэртэж гэмтэхээс сэргийлж чадах юм.

Манай улс зам тээврийн ослоор хохирсон иргэд, тэдний ар гэрийнхний дуу хоолой, үйлдлээр дамжуулан зам тээврийн ослын хор аюулыг таниулах зорилгоор “Зам тээврийн ослоор хохирсон иргэд, ар гэрийн дуу хоолойг олон нийтэд хүргэх өдөр”-ийг зохион байгуулаад таван жил болж байна.

замын хөдөлгөөний дүрмээ сахиж, оролцох юм бол 1-2 хүний амь насыг аварч, 15-20 хүн бэртэж гэмтэхээс сэргийлж чадах юм

Тээврийн цагдаагийн алба “Хичээх өдөр” уриан дор өнөөдөр улсын хэмжээнд 11.00 цагаас таван минутын турш замын хөдөлгөөнийг түр хаасан юм. Энэ таван минут бол жил бүр зам тээврийн ослоор амь насаа алддаг 500 гаруй иргэний гэгээн дурсгалыг хүндэтгэж, дахин алтан хүний амь нас эрсдэхгүй байхын төлөө жолооч та замын хөдөлгөөний дүрмээ чандлан биелүүлэх хэрэгтэйг сануулж буй явдал юм.

“Хичээх өдөр”-ийн хүрээнд Land Cruiser клубийн 30 гаруй залуус 25 автомашинтайгаа Тээврийн цагдаагийн албатай хамтран жолооч нарт замын хөдөлгөөний дүрмээ биелүүлж, соёлтой оролцохыг уриалж, хотын төвөөр цуваа үүсгэн зорчсон юм.

Замын хөдөлгөөнд оролцдоггүй хүн гэж үгүй учир бүгдээрээ хичээж эерэг зөв үйлдлээрээ нэг нэгнээ хүндэлж, үлгэрлэж энэ хүсээгүй төмөр хүлгийн дайныг хамтдаа бууруулж, зогсооцгооё гэж Тээврийн цагдаагийн албанаас уриалж байна.

 

---