Цар тахал эхэлснээс хойш хилээ хаасан улс орнуудын нэг нь Шинэ Зеланд юм. Хоёр жил орчмын хугацаанд хаалттай байсан хилээ нээх өдрийг товлосон байна. Тус улсын эрх баригчид гадны зочдод ойрын таван сарын хугацаанд хилээ нээхгүй байхаар шийдвэрлэжээ. Өөрөөр хэлбэл Шинэ Зеландыг зорьсон зочид 2022 оны дөрөвдүгээр сарын 30-ны өдрөөс хил нэвтэрч болно.

Шинэ Зеланд улс бүрэн вакцинжуулалтад хамрагдсан иргэдийг хүлээж авах ба зорчигчид долоо хоног өөрийгөө тусгаарлах юм байна. Хөрш Австрали улсаас Шинэ Зеланд улсын иргэн, оршин суух визтэй иргэдийг ирэх оны нэгдүгээр сарын 16-аас хүлээж авах бол бусад улс орнуудад амьдарч байгаа иргэд болон оршин суух визний зөвшөөрөлтэй хүмүүсийг хоёрдугаар сарын 13-наас хүлээж авна гэжээ.

Тус улсад цар тахал эхэлснээс хойш 10,000 хүн өвчилж, 40 хүн нас барсан нь халдвар өргөн хүрээтэй тархсан бусад улс орнуудтай харьцуулахад бага үзүүлэлт юм.

Эх сурвалж: Reuters

---