АНУ-ын Калифорнийн нэгэн их сургуулийн профессор асан өнгөрсөн зун тус мужид дөрвөн удаагийн ойн түймэр тавьсан хэрэгт буруутгагдаж байна.

Гари Стивен Мэйнард гэх нэртэй тус эрэгтэй нь өнгөрөгч 7 дугаар сарын 20-нд Каскадын түймэр, 7 дугаар сарын 21-нд Эверетт түймэр, 8 дугаар сарын 7-нд Ранч түймэр болон Конрад түймрийг эхлүүлсэн болохыг шүүхийн баримт бичигт дурджээ.

Тэрээр тухайн үед дэгдэж байсан "Дикси" ой хээрийн түймрийн үеэр ийнхүү хэд хэдэн удаагийн санаатайгаар галдан шатаах гэмт хэрэг үйлдсэн тул АНУ-ын Тангарагтны шүүхээс түүнийг таван зүйл ангиар яллах дүгнэлт гаргасан аж.

Албаныхан Каскадын түймэр дэгдсэн өдрөөс хойш Мейнардыг шалгаж эхэлсэн бөгөөд түүнийг өнгөрөгч 8 дугаар сард баривчилжээ. Хэрэв түүний гэм буруутай нь тогтоогдвол түүнд 20 хүртэлх жилийн хорих ял оноож, 250 мянган ам.долларын торгууль ногдуулах юм.

Эх сурвалж: UPI

---