Израйль улсын Батлан хамгаалахын сайд Бенни Ганцын гэрийн үйлчлэгчийг тагнуулын гэмт хэрэгт буруутгасан байна. Үйлчлэгч Ирантай холбоотой хакерчидтай холбоотой байсан ба сайдын комьпютерыг вирустүүлж, мэдээлэл хулгайлахыг оролджээ.

Тиймээс Батлан хамгаалахын сайдыг тагнан турших үйлдэл хийсэн хэрэгт яллах дүгнэлт үйлдэхээр болсон байна. Омри Горен гэгч эрэгтэй сайдын гэрийн үйлчлэгч болон асрагчаар ажилд оржээ. Шин Бет тагнуулын байгууллага хэргийг илрүүлж, эрэгтэйг баривчлан саатуулжээ.

Шалгалтын явцад Горен "Хар сүүдэр" хакерын бүлэгтэй Telegram апп-р холбогдсон болохыг тогтоосон байна. Өөрийгөө Ганцын гэрт ажилладаг гэдгээ танилцуулж, сайдын хэрэглэдэг компьютер болон гэрийнх нь зургийг явуулсан байжээ. Засгийн газрын эх сурвалж сайдын компьютерт вирус суулгаж байсан ч төлөвлөгөөгөө хэрэгжүүлэхийн өмнө илрүүлэн саатуулсан гэж мэдээлжээ. Тиймээс нууц баримт бичгүүд алдагдаагүй гэжээ.

Зарим хэвлэлүүдээр Гореныг өмнө нь дөрвөн удаа ял эдэлж байсан тухай мэдээлжээ. Тэрээр зэвсэглэсэн хулгай дээрэм, айл гэр тоносон хэргүүдэд холбогдож байсан байна. Батлан хамгаалахын сайдын гэрт ажилд орохынх нь өмнө аюулгүй байдлыг хангаж шалгаагүй байна.

Өмгөөлөгч нь түүнийг мөнгөний төлөө сайдын компьютерт нэвтрэх оролдлого хийснээс бус үндэсний аюулгүй байдалд заналхийлэх гээгүй хэмээн өмгөөлжээ.

Эх сурвалж: The Guardian

---