АНУ-ын Техас мужийн нэгэн ахлах сургуулийн захирал аюулгүй байдлын үүднээс сургуулийнхаа ариун цэврийн өрөөнүүдийн хаалгыг авахаар шийджээ.

Остин хотын "Трэвис Эрли Коллеж" ахлах сургуулийн захирал Кристина Стил Хантгин сурагчдын эцэг эхчүүдэд энэхүү шийдвэрээ тайлбарласан захидал илгээж, өөр арга хэмжээ авч чадаагүйдээ хүлцэл өчсөн байна. Түүний хэлснээр, сурагчид ариун цэврийн өрөөнүүдэд зан байдлын зөрчил гаргаж, "зохисгүй үйлдэл" хийх болсон бөгөөд эдгээр явдлын 90 орчим хувь нь хар тамхины хэрэглээтэй холбоотой аж.

Тэрээр захидалдаа "Миний хамгийн тэргүүний зорилт бол аюулгүй байдал. Ариун цэврийн өрөөнүүдийн хаалгыг авах нь сургуулиа аюулгүй сурах орчин байлгахын тулд бидний хэрэгжүүлж буй олон арга хэмжээний нэг" хэмээн тэмдэглэжээ.

Сургуулийн албаны хүмүүсийн мэдээлснээр, энэхүү шийдвэрийг хэрэгжүүлснээс хойш өмнөх шиг зөрчил огт гараагүй аж. Мөн тус арга хэмжээний хүрээнд, ариун цэврийн өрөөг хэрэглэж байгаа хүмүүс гаднаас огт харагдахгүй гэдгийг нягталсан гэжээ.

Эх сурвалж: New York Post, Fox 8

---