Австралийн Засгийн газрын гишүүд тамхийг супермаркет зэрэг жижиглэн худалдаагаар борлуулахыг хориглох өдрийг товлох хэрэгтэй хэмээн уриалж байна. Ингэснээр тамхины онцгой албан татварт найдалгүйгээр орлогыг нэмэгдүүлэх шинэ арга зам хайх болон олон нийтийн эрүүл мэндэд тустай гэж судлаачид үзжээ.

Австралийн Эрүүл мэнд сэтгүүлд нийтлэгдсэн судалгаагаар Викториагийн хорт хавдрын зөвлөлийн 1,466 гишүүн тамхийг жижиглэнгээр худалдахыг хориглохтой санал нийлсэн байна. Мөн судлаачид тамхи нь орчин үеийн хэрэглээний бараа бүтээгдэхүүний аюулгүйн стандартад нийцдэггүй болохыг сануулжээ.

Засгийн газар хортой хүнс зэрэг аюултай бараа бүтээгдэхүүнийг хэрэглээ, худалдаанаас хасах нь энгийн явдал. Тиймээс тамхийг хэрэглээнээс хасах нь нийтийн эрүүл мэндийн төлөө хийх зөв үйлдэл гэж харж байна.

Нидерланд улс 2024 оноос эхлэн тамхийг супермаркетуудаар худалдахыг хориглосон хуулийг хэдийнээ баталжээ. Мөн Шинэ Зеланд улс тамхи зардаг жижиглэн худалдааг багасгах шинэ арга хэмжээг Засгийн газарт өргөн мэдүүлээд байгаа юм.

Австрали улсад тамхинаас болж ургийн дутуу төрөлт, гажиг нэмэгдэх болсон бөгөөд 1960-2020 оны хооронд 1,28 сая иргэн тамхины уршгаар нас баржээ.

Эх сурвалж: The Guardian

---