Бүгд Найрамдах Чех Улсын "ANO" намыг үндэслэгч Андрей Бабишийн тэргүүтэй Засгийн газар өнгөрөгч пүрэв гарагт огцорчээ.

Тус улсын үндсэн хуульд заасны дагуу, Чехийн Ерөнхийлөгч Милош Земан шинэ Засгийн газрыг томилох хүртэл Бабишийн танхим албан үүргээ үргэлжлүүлэн гүйцэтгэх ёстой юм.

Энэ оны 10 дугаар сарын 8-9-ний өдөрт болсон Парламентын танхимын сонгуульд "ANO" нам хоёр либерал эвсэлд ялагдсан билээ. Одоо эдгээр эвслийн доторх таван намын гишүүд шинэ Засгийн газрыг байгуулах бөгөөд энэ ажлыг Евроскептик Иргэний ардчилсан намын удирдагч, улс төр судлаач Петр Фиалад даатгажээ. Фиала нь одоогоор Ерөнхий сайдын албан тушаалд нэр дэвшиж буй цорын ганц хүн юм.

Эх сурвалж: TASS

---