Йемен улсад бие давхар сэтгүүлч эмэгтэйн автомашиныг дэлбэлж, амь насыг нь хороосон явдал гарчээ. Уг аллага мягмар гарагт далайн эргийн Аден хотод гарсныг олон улсад хүлээн зөвшөөрөгдсөн Саудын Арабын дэмжлэгтэй Йемений Засгийн газрын тэргүүн Мэйн Абдулмалек мэдэгдсэн байна.

Сэтгүүлч Раша Абдулла аль Харази нь сурвалжлагчаар ажилладаг нөхөр Махмуд Амен аль Атмитайгаа хамт машиндаа явж байжээ. Тэднийг далайн эргийн ойролцоо явж байхад нь машинд нь суурилуулсан тэсрэх бөмбөг дэлбэрчээ. Сэтгүүлчийн нөхөр Аль Атми амьд гарсан ч хүндээр гэмтэж шархадсан байна.

Йемений сэтгүүлчдийн холбооноос уг гэмт хэргийг урьдчилан зохион байгуулсан байсан ба сэтгүүлчдийн аюулгүй байдалд онц ноцтойгоор заналхийлж байгааг онцолсон байна. Аль Хазари нь найман сартай жирэмсэн бөгөөд Саудын Арабын телевизийн суваг Аль Арабияатай хамтран ажилладаг байжээ.

Одоогоор халдлагыг хэн зохион байгуулсан нь тодорхойгүй байна.

Эх сурвалж: CNN

---