Монгол Улсад боловсролын салбар үүсч хөгжсөний 100 жилийн ой энэ өдрүүдэд тохиож байна.

Түүхт ойг тохиолдуулан Боловсрол, шинжлэх ухааны сайд Л.Энх-Амгалан ард түмэндээ болон боловсролын салбарын нийт ажилтан албан хаагчиддаа зориулан мэндчилгээ дэвшүүллээ.

Тэрбээр, "Өнгөрсөн зууны турш Монголын боловсролын салбарыг босгож, бэхжүүлж, хөгжүүлэхэд үнэтэй хувь нэмэр оруулсан эрдэмтэн багш, манлайлагч, сурган хүмүүжүүлэгч нар болон үе үеийн боловсролын салбарынхандаа баярын мэнд хүргэж, хамгийн сайн сайхныг хүсье.

Боловсрол эзэмшиж, үр хүүхдээ боловсролоор чимж, өөртөө итгэлтэй, хүчтэй, нийгэмдээ тустай иргэн болох хүсэл эрмэлзэл дүүрэн байсан хүүхэд багачууд, оюутан залуус, ирээдүй хойч үе та бүхэндээ амжилт хүсье. Монголын боловсролын системтэй үргэлж хамт байлцаж, түүний хөгжил дэвшилд үнэтэй хувь нэмэр оруулсан Монгол түмэндээ талархал илэрхийлье. 

Үнсэн самбараас эхэлсэн Монголын боловсрол үүлэн технологид хүртэл 100 жил хөгжлөө.

Бийр бэхээс эхэлсэн Монголын боловсрол бичил компьютерт шилжсэн 100 жил байлаа" гэжээ.

---