Францын сүүлчийн хатан хаан Марие Антонеттын зүүж байсан хоёр алмаазан бугуйвч дуудлага худалдаагаар найман сая гаруй ам.долларын үнэд хүрчээ.

Бугуйвчнуудыг нэгэн нэрээ нууцалсан хүн утсаар холбогдон, худалдаж авсан байна. Нийт 112 очир эрдэнээс бүтсэн хоёр бугуйвч нь ийнхүү анх удаа дуудлага худалдаанд орж байгаа бөгөөд урьдчилан тооцоолж байснаас хоёр дахин илүү үнээр зарагджээ.

Хатан хаан Францын хувьсгалын үеэр цаазлуулахаасаа өмнө үнэт эдлэлүүдээ эх орон руугаа хулгайгаар илгээсэн бөгөөд түүний гэр бүл эдгээр хоёр бугуйвчийг 200 гаруй жилийн турш хадгалсаар ирсэн юм. "Christie's" дуудлага худалдааны байгууллагын Европ дахь салбарын дарга Франсуа Кюриэл энэ талаар "Эдгээр бугуйвч нь дур булаам ба сүр жавхлант байдлаараа Францын түүхэн дэх хамгийн чухал үеийг илтгэх бөгөөд цаг хугацаагаар аялсан мэт болгоно" хэмээн онцолжээ.

Марие Антонетт 1755 онд Австрид төрсөн бөгөөд Францын ирээдүйн хаан Луи XVI-ын сүйт бүсгүй болохоор Франц руу явсан билээ. Гэвч тэрээр францчуудын дунд нэр хүндгүй болсоор 1793 онд нөхрөөсөө хэдхэн сарын дараа цаазлуулсан юм.

Эх сурвалж: BBC

---