Австралийн Күйнслэнд мужийн Кэйп Йорк хотод загасчин эр халаасны эвхэгддэг тонгорог ашиглан махчин матарт идүүлэх аюулаас аврагдсан хэрэг гарчээ.

60 настай эрэгтэй өнгөрсөн лхагва гарагт МакАйвор голын сав газарт загасчилж байсан байна. Усан дотроос аварга матар гарч ирэн гуталнаас нь зууж, чиржээ.

Эрэгтэй модны мөчрөөс татаж матарт чирэгдэхгүй байхыг оролдсон ч эцэстээ хүчээ алдаж сульдсан байна. Матар түүнийг голын ус руу чирэх үед халаасандаа тонгорог байгааг санан, матрын толгой руу хэд хэдэн удаа зоожээ.

Матар түүнийг тавьсан бөгөөд эрэгтэй аюулаас мултарсан байна. Тэрээр Күктаун эмнэлэгт хандаж, матарт хазуулах үедээ авсан шархаа эмчлүүлжээ.

Эх сурвалж: The Guardian

---