Шинэ Зеланд улсын нийслэл Веллингтон хотод вакцины гэрчилгээг эсэргүүцсэн жагсаал зохион байгуулагджээ. Парламентын ордны гадаа болсон жагсаалд 2,000 орчим хүн нэгдсэн байна.

Жагсагчид цагдаагийн офицер болон хэвлэлийн ажилтныг гэмтээсэн хэрэг гарсан бөгөөд Ерөнхий сайд Жакинда Ардерн тэдгээр жагсагчид Шинэ Зеландын ард түмнийг төлөөлөхгүй хэмээн мэдэгджээ.

Жагсаалд оролцогчид Парламентын ордны бараг бүх хаалганд хүрсэн тул харуул хамгаалалтыг чангатгасан байна. Парламентын дарга Тревор Маллард 1984 оны сонгуулиас хойш анх удаа ордны харуул хамгаалалтыг нэмэгдүүлж буй үйл явдал боллоо хэмээн мэдэгджээ.

Зарим жагсагчид нэгдүгээр сарын 7-ны өдөр Вашингтонд болсон Капитол Хиллийн жагсаалыг илэрхийлсэн далд утга бүхий уриа тэмдэг барьсан байжээ. Мөн зарим жагсагчид Ерөнхийлөгч асан Трампын зургийг ашигласан байна.

Өнгөрсөн аравдугаар сард баталснаар Засгийн газар Ковид-ын шинэ зохион байгуулалтыг баримтлах бодлого танилцуулсан. Үүнд иргэд олон нийтийг вакцинжуулах хөтөлбөрийг идэвхтэй хэрэгжүүлж, вакцины гэрчилгээг ажлын байр болон бусад бизнесийн салбарт өргөнөөр шаардах болсон юм.

Эх сурвалж: The Guardian

---