Энэтхэгийн өмнөд хэсгийг Тамил Наду мужийн нийслэл Ченнай хотод их хэмжээний бороо орж, үер буусны улмаас хөрсний гулсалт үүссэн байна. Тус хотод 2015 оноос хойш анх удаа их хэмжээний бороо орсон гэж цаг уур судлаачид мэдээлжээ.

Одоогоор иргэд амь насаараа хохирсон тохиолдол гараагүй. Гэхдээ нам дор нутаг дэвсгэрт амьдарч байгаа оршин суугчдыг нүүлгэн шилжүүлэхийг анхааруулсан байна.

Модод үндсээрээ сугарч, машинууд усанд автсанаар авто замуудыг боожээ. Цаг агаар муудсан нь дэлхийн дулааралтай холбоотой бөгөөд замбараагүй хот төлөвлөлт нь нөхцөл байдлыг хүндрүүлж байна гэж  мэргэжилтнүүд үзсэн байна.

Ням гарагт хотын зарим хэсэгт хэдэн цагийн турш гэрэл цахилгаан тасарчээ. Үндэсний онц байдалтай тэмцэх газар болон армийн цэргүүд үерт боогдсон иргэдийг аврах ажилд тусалж байна.

Цаг агаар шинжээчид долоо хоногийн дунд хүртэл Тамил Наду мужийн бусад хотод ширүүн бороо асгарах төлөвтэй гэдгийг анхааруулжээ. Одоогоор нийслэл Ченнай болон зэргэлдээ гурван дүүрэгт бүх шатны сургуулийг хаасан хэвээр байна. Загасчдыг аялалд гарахыг хоригложээ. Үерийн дараа иргэдэд туслах хоол хүнс, эм эмнэлгийн үйлчилгээний түр цэгүүдийг нээсэн байна.

Эх сурвалж: ВВС

---