Баянзүрх дүүргийн нутаг дэвсгэрт үйл ажиллагаа явуулж буй 8-9 шөнийн клуб, караоке, пабуудад хяналт тавин ажиллав.

Гарсан зөрчлүүдээс нийтлэг ажиглагдаж буй асуудал иргэдийн дархлаажуулалтанд хамрагдсан эсэхийг шалгах ажил, заалны зохион байгуулалт, хүн хэтрэлт зэрэг байна. Хариуцлагын гэрээний үүргээ биелүүлж хариуцлагатай ажиллах шаардлагыг хариуцсан менежер, удирдлагуудад тавьж, зааварчилгаа зөвлөгөө өгөв.

Хотын Ерөнхий менежер Т.Гантөмөр, нийслэл, дүүргийн мэргэжлийн хяналт, цагдаагийн байгууллагын бүрэлдэхүүнтэйгээр шалгаж байгаа бөгөөд 6 дүүргийн хэмжээнд дээрх хяналтын ажлыг Хотын Ерөнхий менежерийн баталсан хуваарийн дагуу Улаанбаатар хотын Захирагчийн ажлын албаны албан хаагчид, Нийслэлийн мэргэжлийн хяналтын газар, дүүргийн мэргэжлийн хяналт, цагдаагийн бие бүрэлдэхүүнтэйгээр тогтмол хийж байна.

---