Иран улс болоод зургаан улсын хамтарсан Р5+1 цөмийн хөтөлбөрийн гэрээ хэлэлцээр 2015 онд эхэлсэн ч гурван жилийн өмнө буюу 2018 онд зогсонги байдалд орсон. Гурван жилийн хугацаанд завсардсаны эцэст уг хэлэлцээр дахин сэргэхээр болжээ.

Энэ сарын 29-ний өдөр Австралийн Вена хотод болох Ираны цөмийн хөтөлбөрийн хэлэлцээрт Ираны талаас хэлэлцээрийг ахалж буй Аль Бакер Кани Засгийн газар оролцоно гэдгийг мэдэгдсэн байна. Өнгөрсөн зургадугаар сард Иран улсад болсон сонгуулиар шинээр сонгогдсон Ерөнхийлөгч энэ тухай нухацтай авч үзжээ.

АНУ-ын хувьд Ерөнхийлөгч асан Дональд Трампын үед хэлэлцээрээс гарсан ч Ардчилсан намаас шинээр сонгогдсон Ерөнхийлөгч Жо Байден эргэн нэгдэх сонирхолтой байгаа юм. Тиймээс дөрвөн долоо хоног орчмын дараа Венад болох уулзалтад Их Британи, Хятад, Франц, Герман, Орос улсуудын хамт оролцоно гэдгээ илэрхийлжээ.

Ноён Кани “Венад болох уулзалтаар хууль зөрчсөн, хүнлэг бус хоригийг арилгах зорилготой уулзалт хэлэлцээрийг эхлүүлэхээр тохиролцов” хэмээн жиргэсэн байна. Харин АНУ-ын Төрийн департаментын хэвлэлийн төлөөлөгч Нед Прайс Ираны тал нухацтай хандаж чадвал тохиролцолд хурдан хүрэх боломжтой гэжээ.

Эх сурвалж: ВВС

---