Баян-Өлгий аймагт байрлах Зэвсэгт хүчний 331 дүгээр ангийг зорьж явсан цэргийн автомашины цуваанаас нэг нь учир битүүлгээр шатжээ.

Тус цэргийн ангид хэрэглэх эд хэрэгсэл ачиж явсан цувааны дөрөвдүгээрт явсан уг тээврийн хэрэгсэл Ховд аймгийн Манхан сумын нутагт аравдугаар сарын 31-нд галд өртсөн аж. Орон нутгийн эх сурвалжууд “Гал гарсан шалтгаан тодорхойгүй байгаа. Үүнээс болж хүний биед ямар нэгэн гэмтэл учраагүй. Ачсан ачаан дунд л гал гарах хэрэгсэл байснаас шатсан байж болзошгүй гэж хууль хяналтын байгууллагынхан үзэж буй юм билээ. Энэ хэргийг Ховд аймгийн Цагдаагийн газрынхан шалгаж байгаа” гэв.

БХЯ, ЗХЖШ-ын холбогдох албанаас ачиж явсан эд зүйл, тээврийн хэрэгслийн хохирлын тооцоог гаргахаар ажиллаж байна.

---