Нийслэлийн гэр хороололд сайжруулсан шахмал түлшний 128 цэг ажиллаж байсан бол өнгөрсөн амралтын өдрүүдэд 153 цэг шинээр байгуулж 281 цэгээр шахмал түлш худалдан борлуулж байна.

Цаашид ч шахмал түлш худалдан борлуулах цэгийн тоог нэмэгдүүлж энэ долоо хоногтоо багтаан 450 болгоно гэж Таван толгой түлш ХХК-аас мэдэгджээ.

Тавантолгой түлш ХХК-ийн хувьд энэ жил 70 мянган тонн сайжруулсан шахмал түлшийг аюулгүйн нөөцөд нөөцлөөд байгаа нь өнгөрсөн оны мөн үетэй харьцуулахад 20 гаруй мянган тонноор бага байгаа юм. Энэ нь “баруун бүсийн үйлдвэрийг зүүн бүс рүү нүүлгэнэ” гэж хавар эрт үйл ажиллагааг нь зогсоосонтой холбоотой юм.

---