Сарын өмнө ХААН Банкны данснаасаа сарын цалингаасаа 50 сая төгрөгөө алдсан иргэд хохирлоо барагдуулахаар тус банк дээр очиж уулзсан өмнө нь мэдээлсэн билээ. Тэгвэл өнөөдрийг хүртэл зарим иргэд ХААН банкны данснаасаа мөнгөө алдсаар байгааг бид сэрэмжлүүлж байна.

Өнгөрсөн баасан гарагт буюу аравдугаар сарын 29-нд иргэн Д-ын ХААН банкны дансанд байсан 60 мянган төгрөгнөөс 54 мянган төгрөг нь алдагдсан байна. Тухайн иргэн интернет банк руугаа орж зарлагын баримтаа шүүж харсан ч мэдээлэл өнөөдрийг хүртэл орж ирээгүй байна. Ингээд мөнгөө алсдан даруйдаа тус банкны лавлах утас руу холбогджээ. Тухай иргэнээс Apple ID болон гадаадын сайтад виза картаа холбосон эсэхийг лавласан байна. Иргэн Д-ийн хувьд Iphone утас барьдаг ба виза картаа ID-тайгаа холбосон байжээ.

ХААН банкны лавлах утасны оператор “Та Gradient апп татсан байна. Энэ апп тохиргоо дээр автоматаар мөнгө татна гэж тохиргоотой байсан тул таны данснаас мөнгө татагдсан байна. Тэгэхээр иргэн таны хувьд тухайн апп татсан тул хохирол болох 54 мянган төгрөгийг нөхөн төлөх боломжгүй. Хэрэв таны хувьд 100 хувь буруу биш үйлдэлд нөхөн олговрыг олгодог” гэх хариуг хэлжээ.

Сүүлийн өдрүүдэд иргэд Gradient гэх нүүр царайг өөрчилдөг апп татаж, зургаа сошиалд хуваалцах болсон. Энэ нь тэгвэл цаагуураа иргэдийн дансны мэдээллийг хуулж, аван цахим халдлага хийж байгаа тул иргэн та нэн даруй тухайн апп устгах, Apple ID виза карттайгаа холбосон бол салгах, банкны нууц үгээ өөрчлөхийг сануулж байна.

---