Япон улсад өчигдөр Парламентын сонгуулийн санал хураалт болж өнгөрлөө. Ердөө сар хүрэхгүй хугацааны өмнө эрх баригч Либерал Ардчилсан намын даргаар сонгогдсон Фумио Кишида намаа ялалтад хөтөлсөн боловч урьдчилан төлөвлөж байснаас бага суудал авсан гэж үзэж байна.

Либерал Ардчилсан нам Парламентын доод танхимд 233-аас илүү суудал авсан тохиолдолд хамтрагч Комейто намын дэмжлэггүйгээр дангаараа олонхийн суудал эзлэх ёстой. Ням гарагт болж өнгөрсөн сонгуульд эрх баригч нам 261 суудал эзэлсэн бол Комейто нам 32 суудал эзэлснээр хоёр намын эвсэл нийт 293 суудалтай болж байна.

Японы эрх баригч нам хэдэн арван жилийн турш төрийн эрх амжилттай удирдаж ирсэн ч цар тахлын үед авч хэрэгжүүлж буй арга хэмжээ олны шүүмжлэлтэй тулгарах болсон. Токиогийн Олимпын наадмыг ард иргэдийн эсэргүүцлийг үл тоон зохион байгуулсны дараа Ерөнхий сайд асан Ёшихидэ Суга огцрохоо есдүгээр сард мэдэгдсэн. Үүний дараа 64 настай Фумио Кишида удаан хугацаанд Ерөнхий сайд болохоор хүчин зүтгэсэн нь биеллээ олсон билээ.  

Эх сурвалж: ВВС

---