Цахим сүлжээний од Жэйн Ривера таалал төгссөн эцгийнхээ авсны өмнө гэрэл зургаа авахуулсан байсан нь олон нийтийн шүүмжлэлд ихээр өртжээ. Тэрээр АНУ-ын далбаатай авсны урд нэг ханцуйтай блэйзер өмсөж авахуулсан хэд хэдэн зургаа олон мянган дагагчтай Инстаграм хуудсанд байрлуулсан байна.

Нэг зурган дээрээ мөргөл үйлдэж буй дүр харуулан “эрвээхий нисэн одлоо. Гүн эмгэнэл илэрхийлье ааваа. Та миний хамгийн сайн найз байсан” хэмээн бичжээ. Хүмүүс уг постыг нь хурцаар шүүмжилж, “хүүхэдтэй байх нь үнэхээр үнэ цэнэтэй зүйл үү” хэмээн буруутгасан байна.

Гэвч Флоридагийн загвар өмсөгч Ривера өөрийн үйлдлээ зөвтгөсөн хариу мэдэгдэл хийжээ. Ингэхдээ “сөрөг сэтгэгдэл төрүүлнэ гэдгээ мэдэж байсан. Аав минь намайг амьд байсан бол дэмжих байсан байх гэж бодож тэдгээр зургуудыг авахуулсан. Хүн бүр хайртай хүмүүсээ алдахдаа бүгд өөрсдийнхөөрөө илэрхийлдэг. Зарим нь уламжлалт аргаар зарим нь шивээс хийлгэдэг. Миний хувьд аав минь хажууд байсан бол гэдэг сэтгэлээр хандсан. Үүнд буруу байхгүй” хэмээн тайлбарлажээ.

Эх сурвалж: News Sky

---