БНХАУ-д нүүрсний хомстол үүссэнтэй холбогдуулан ОХУ-аас импортлох нүүрсний хэмжээ нь гурав дахин өссөн байна. Австрали улс нь Хятадын хамгийн том нүүрс нийлүүлэгч орон байсан боловч худалдааны зөрчил маргаан арилаагүй байгаа юм.

Хил гаалийн мэдээллээс харахад Хятадад Оросын нүүрсний импорт есдүгээр сард жилийн өмнөхтэй харьцуулахад 76 хувиар нэмэгджээ. Дан ганц есдүгээр сард л гэхэд хойд хөршөөс 3,7 сая тн нүүрс оруулж ирсэн байна. Хятадын нүүрс үйлдвэрлэгч хойд мужуудад байгалийн гамшиг тохиосны дараа Орос болон Индонези улсаас гол хэрэглээгээ татаж байна.

Хятадын эрчим хүчний ханган нийлүүлэлтийн гол үүсвэр нүүрс байдаг. Тиймээс нүүрс хомсотсоноор 20 мужийн нутаг дэвсгэр даяар эрчим хүчний хомстол үүсээд байна. Эрчим хүчний хомстол нь цар тахлын дараа эдийн засгаа сэргээхийг оролдож буй үйлдвэрлэл эрхлэгчдэд ихээхэн хүндрэл бэрхшээл дагуулж байна.

Нүүрс, эрчим хүчний хомстол үүсээд байгаа энэ үед Бээжингийн эрх баригчид дулаан ялгаруулалтаа бууруулах арга зам хайж байгаагаа дэлхийн нийтэд зарлаад буй.

Эх сурвалж: RT

---