Коронавирусийн "AY.4.2" буюу "Дельта Плас" хэмээх шинэ мутацийн хэлбэр нь ердийн дельта хувилбараас илүү өндөр халдварлах чадвартай гэж олон улсын эрдэмтэд мэдээлж байна.

Лондоны их сургуулийн Генетикийн хүрээлэнгийн захирал Франсуа Баллоуксын хэлснээр, "Дельта Плас" нь дельта хувилбараас 10 хувиар илүү халдварлах чадвартай аж. Гэхдээ энэ нь илүү хүнд өвчин үүсгэнэ гэх нотолгоо биш юм. Уг шинэ мутацийн хэлбэрийн эсрэг одоо ашиглаж байгаа вакцинууд бүрэн хамгаална гэдэгт мэргэжилтнүүд итгэлтэй байна.

"AY.4.2" хувилбарын халдвар Их Британид ихээр бүртгэгдэж байгаа бөгөөд цаашид нэмэгдэх төлөвтэй байна. Түүнчлэн, АНУ-д тус мутацийн хэд хэдэн тохиолдол илэрсэн бөгөөд Дани улсад мөн бүртгэгдсэн хэдий ч одоо буураад байгаа аж.

Дэлхий даяар тархаад буй коронавирусийн цар тахлын олон мянган төрөл буюу хувилбар үүсээд байгаа билээ. Вирусүүд байнга мутацид орж байдаг тул шинэ хувилбарууд гарч ирэх нь хэвийн үзэгдэл юм.

Эх сурвалж: BBC, Insider

---