Өмнөд Солонгосын хүн амын бууралтын улмаас 90 орчим жижиг хот болон муж устаж үгүй болох аюулд ороод байгаа аж. Тус улсын Засгийн газар эдгээр бүс нутгийг "хүн амын тоо цөөрч буй бүс" гэж тодорхойлон, эрчимтэй дэмжлэг үзүүлэхээр болсныг Дотоод хэрэг, аюулгүй байдлын яамнаас мэдээлжээ.

Тодруулбал, нийт 89 хот, муж, тойргийг уг төсөлд хамруулах бөгөөд холбогдох олон нийтийн мэдэгдлийг ирэх мягмар гарагаас гаргах аж. Эрх баригчид холбогдох бүс нутгуудыг устах аюулаас сэргийлэхийн тулд засаг захиргаа, санхүүгийн эрчимтэй дэмжлэг үзүүлэхээр төлөвлөж байгаа юм.

Энэ нь тус улсын хүн амын тоо буурсантай холбогдуулан тодорхой бүс нутгийг устаж үгүй ​​болж магадгүй гэж мэдэгдсэн анхны тохиолдол болж байна. БНСУ-д төрөлт тогтмол буурч, нийслэлийн бүсэд хүн амын хэт төвлөрөл үүсээд байгаагаас болж олон бүс нутаг хүн амын хомсдолын асуудалтай тулгараад байгаа юм.

Тэгвэл тус улсын Засгийн газраас нэг их наяд воны хэмжээтэй Орон нутгийг устах аюулаас хамгаалах санг 10 жилийн хугацаатай тогтоожээ. Үүний хүрээнд, тусламж хэрэгтэй бүсүүдэд ажлын байрыг нэмэгдүүлж, залуучуудыг уриалан, хүн амыг нэмэгдүүлэх аж.

Эх сурвалж: Yonhap News Agency

---