Монгол Улсын Их Хурлын 18 болон 28 дугаар тойргийн нэмэлт сонгуулийн санал хураалт 10 дугаар сарын 16-ны өдөр явагдсан. Нөхөн сонгуулийн нэмэлт санал хураалтын шийдвэрийг СЕХ-оос шууд дамжуулан хүргэлээ.

СЕХ-ны ирцийн мэдээллийн дагуу тус хоёр тойргийн ирц 50 хувьд хүрээгүй. УИХ-ын сонгуулийн хуулийн дагуу хамгийн олон санал авсан нэр дэвшигчдийг УИХ-ын гишүүнээр сонгогдсонд тооцож тогтоол гаргалаа.
Хэнтий аймгийн 18 дугаар тойрогт 17,264 буюу нийт санал өгсөн иргэдийн 73 хувийн санал авсан Ц.Идэрбат УИХ-ын гишүүнээр сонгогдсонд тооцож тогтоол гаргаж үнэмлэл олгосон.

28 дугаар тойрог буюу Сонгинохайрхан дүүрэгт МАН-аас нэр дэвшигч хамгийн олон санал авч Э.Батшугар нийт санал өгсөн иргэдийн 51,22 хувь буюу 28,537 сонгогчийн саналыг авсанаар УИХ-ын гишүүнд сонгогдсонд тооцож, үнэмлэх гардууллаа.

СЕХ хуралдаж шийдвэрээ гаргасан тул УИХ болон ерөнхийлөгчид нөхөн сонгуулийн дүнг өргөн барина гэв. 

---