АНУ-ын Ерөнхийлөгч асан Билл Клинтоны биеийн байдал муудаж эмнэлэгт хэвтсэн байна. Тэрээр Ковид-ын халдвар аваагүй гэдгийг эх сурвалжууд баталж байна.

Энэ жил 75 настай ноён Клинтон шээсний замын халдварт өвчнөөр Калифорнийн их сургуулийн Irvine эрүүл мэндийн төвийн эрчимт эмчилгээний тасагт мягмар гарагт хэвтсэн гэдгийг хэвлэлийн төлөөлөгч нь мэдэгдэв.

Эмч нарын зүгээс антибиотик эмчилгээ болон дусал эмчилгээ үр дүнтэй байгаа ба биеийн байдал нь харьцангуй дээрдсэн хэмээн мэдээлсэн байна. Мөн Билл Клинтоныг үргэлжлүүлэн эмнэлэгт хэвтүүлж, биеийн байдлыг нь ажиглах шаардлагатай гэжээ.

Эх сурвалж: ВВС, CNN

---