Япон улсад сургуулийн насны хүүхдүүд амиа егүүтгэх явдал өнгөрсөн хичээлийн жилд дээд хэмжээндээ хүрсэн гэдгийг тус улсын Боловсролын яамнаас мэдээлжээ.

2020 оны хичээлийн жилд 6-18 насны 415 хүүхэд амиа егүүтгэсэн байна. Энэ нь 1974 онд уг судалгааг хийж эхэлснээс хойш хамгийн өндөр дүн мэдээ юм.

Түүнчлэн тус улсын хэмжээнд Ковид эхэлснээс хойш өнгөрсөн сард буюу энэ оны есдүгээр сард илүү олон хүн амиа егүүтгэсэн болохыг судалгаагаар харуулжээ. Тэр дундаа эмэгтэйчүүдийн дунд амиа егүүтгэх явдал нэмэгдсэн байна.

Хүүхдүүд амиа егүүтгэх явдал өссөнийг гэр бүлийн доторх асуудал, сурлагын дүн, бусад хүүхдүүдтэй харилцах харилцаа, өвчлөл зэрэг олон шалтгаантай холбон тайлбарлажээ. Мөн өнгөрсөн хичээлийн жилд амиа егүүтгэсэн хүүхдүүдийн тэн хагас нь үл мэдэгдэх шалтгаанаар уг сонголтыг хийсэн байна.

2019 оны хичээлийн жилд Японд сургуулийн насны 317 хүүхэд амиа егүүтгэж байсан бол энэ тоо 2020 оны хичээлийн жилд 31 хувиар өсчээ.

Эх сурвалж: CNN

---