2021 оны Нобелийн энх тайвны шагналтнаар Филиппиний тэмцэгч, сэтгүүлч Мариа Ресса тодорчээ. Түүнийг Нобелийн шагналтнаар нэрлэгдсэний дараа Филиппин улсын Ерөнхийлөгч Родриго Дутерте баяр хүргэж, "энэ бол Филиппин улсын ялалт" хэмээжээ.

Ресса нь Rappler мэдээллийн сайтыг үүсгэн байгуулагч бөгөөд засгийн удирдагчдын авлига, шударга бусын эсрэг зоригтойгоор дуу хоолойгоо хүргэж ирсэн эмэгтэй юм. Энэ жилийн Нобелийн энх тайвны шагналыг ОХУ-ын сэтгүүлч Дмитрий Муратов түүнтэй хуваалцсан байна. Муратов ч мөн шударга ёсны төлөө дуу хоолойгоо хүргэгч юм.

Ресса өөрийн үүсгэн байгуулсан Rappler цахим хуудсан дахь Ерөнхийлөгч Дутертегийн Засгийн газрыг эрэн сурвалжилсан мэдээлэлтэй холбоотойгоор шүүхэд олон удаа дуудагдаж, сорилттой тулгарсаар ирсэн билээ. Харин түүнийг Нобелийн шагнал хүртсэний дараа Ерөнхийлөгчийн хэвлэлийн төлөөлөгч Харри Рок хэвлэлийн хурал дээр баяр хүргэсэн байна.

Филиппин улсын иргэн анх удаа Нобелийн шагнал хүртсэн явдал тохиосон бөгөөд 1935 онд Германы сэтгүүлч Карл вон Оссицки уг шагналыг хүртсэнээс хойш анх удаа сэтүүлзүйн салбарын төлөөлөгч Нобелийн энх тайвны шагналыг авсан юм.

Түүнчлэн Кремлийн зүгээс Муратовт өнгөрсөн баасан гарагт баяр хүргэж, зоригтой, авьяас чадвартай эрэн сурвалжлах сэтгүүлч хэмээн сайшаажээ.

Эх сурвалж: Reuters

---