Монгол Улсын Их Хурлын 18, 28 дугаар тойргийн нөхөн сонгуулийн санал хураалт эхэллээ.

Нөхөн сонгуулийн санал хураалт өнөөдрийн 07:00-22:00 цагийн хооронд үргэлжилнэ. 

Нэр дэвшигчид 
УИХ-ын сонгуулийн 18 дугаар тойрог буюу Хэнтий аймагт:

• Монгол ардын намаас Цагаанхүүгийн ИДЭРБАТ,
• Ардчилсан намаас Батхүүгийн ГАРАМГАЙБААТАР,
• Иргэний зориг ногоон намаас Алтанхуягийн БАРХҮҮ,
• Ард түмний олонхийн засаглал намаас Дэнзэнгийн ЧУЛУУНБАТ,
• Шударга иргэдийн нэгдсэн эвсэл намаас Дамбадондогийн БААТАРЖАВ нарыг нэр дэвшүүлж байгаа бол
• Магнайбаярын ЧИНГИСХААН тус тойрогт бие даан нэр дэвшиж байна. 

Харин УИХ-ын сонгуулийн 28 дугаар тойрог буюу Сонгинохайрхан дүүрэгт:

• Монгол ардын намаас Энхбаярын БАТШУГАР,
• Ардчилсан намаас Эрдэнийн БАТ-ҮҮЛ,
• Иргэний зориг ногоон намаас Шагдарсүрэнгийн ГАНТУЛГА,
• "Зөв хүн Электорат эвсэл"-ээс Бадрахын НАЙДАЛАА,
• Эрх чөлөөг хэрэгжүүлэгч намаас Шоовдорын ТӨМӨРСҮХ,
• Үнэн ба Зөв намаас Аюурзанын ОТГОНБААТАР,
• Дэлхийн Монголчууд намаас Логийн ЦОГ,
• Шударга иргэдийн нэгдсэн эвсэл намаас Цэндсүрэнгийн ГАНТУЛГА нарыг нэр дэвшүүлсэн бол 
• Хадбаатарын БАТ-ЯЛАЛТ бие даан нэр дэвшиж байгаа билээ.

Нөхөн сонгуулийн зохион байгуулалт
УИХ-ын нөхөн сонгуулийн бэлтгэл ажил бүрэн хангагдсан болохын СЕХ-нөөс өмнө нь мэдэгдэн. Тухайлбал, аравдугаар сарын 9-нд зөөврийн битүүмжилсэн хайрцагаар санал авах ажлыг зохион байгуулсан байна. 

Зөөврийн битүүмжилсэн саналын хайрцгаар саналаа өгөхөөр 2,861 сонгогч хүсэлт ирүүлснээс 84.73 хувь нь буюу 2,424 сонгогч саналаа өгчээ. 

---