Tesla компанийн хувьцаа эзэмшигчдийн хуралдааны дараа тус байгууллагын удирдах байр Калифорни мужаас Техас муж руу нүүхээр болсныг гүйцэтгэх захирал Элон Маск баталгаажуулан мэдэгдсэн байна.

Калифорни мужид цар тахлын үеийн хөл хорио тогтоосныг Tesla-ын удирдлагууд эсэргүүцэж, мужийн захиргаатай маргалдаад байсан юм.

Тэгвэл Tesla компани Техас мужийн Остин хотод шинэ үйлдвэрийн барилгын ажлаа эхлүүлсэн байна. Хэдийгээр тодорхой цаг хугацаа товлоогүй ч үйлдвэрлэлийнхээ хүчин чадлыг өргөжүүлж байгаа ажээ.

Маскын хэлснээр Tesla Калифорнийн Цахиуртыг хөндийг орхиж байгаа явдал биш бөгөөд энд үйл ажиллагаагаа үргэлжлүүлнэ хэмээн мэдэгджээ. Калифорнид тогтоосон хөл хорионы улмаас үйлдвэрт шаардлагатай чип, тоног төхөөрөмжийн ханган нийлүүлэлт тасалдсан талаар Элон Маск мужийн захиргааны эрх баригчидтай хэд хэдэн удаа ам мурийсан юм.

Тэрээр энэ жилийн эхэнд Калифорнид бага цаг зарцуулж, Техаст илүү их цаг хугацаагаа зарцуулах болсноо ярьсан. Нөгөө талаар Техас мужид татварын хууль илүү хөнгөн байж магадгүй юм. Калифорни нь АНУ-ын хамгийн өндөр татвартай муж ажээ.

Эх сурвалж: The Guardian

---