Төв аймгийн Зуунмод сумын Цэцээ гүн рүү аравдугаар сарын 2-ны өдрийн 12:30 цагт долоон хүн явган аялал хийсэн ч 19:00 цагийн үед буцаж буух үед 33 настай, эрэгтэй Б төөрчээ.

Хамт явсан бусад хүмүүс нь иргэн Б-г хайлгахаар мөн өдрийн 23.00 цагт Төв аймгийн Онцгой байдлын газарт дуудлага өгсөн байна.  

Алба хаагчид, ар гэрийнхний хамт аравдугаар сарын 2-ны өдрийн 23:17 цагт эрэн хайх ажиллагаа зохион байгуулж эхэлсэн бөгөөд  өчигдөр /2021-10-03/ 08:30 цагт иргэн Б Манзуширын хийд рүү өөрөө бууж ирсэн учраас эрлийн ажиллагааг зогсоожээ. 

---