Өнөөдрийн байдлаар Улаанбаатар хотын зургаан дүүргийн хэмжээнд еөрдөө 40 шахмал түлш борлуулах цэг байгаа нь хангалттай биш байна.

Жишээлбэл: Чингэлтэй дүүрэгт өнгөрсөн оны байдлаар шахмал түлш борлуулах 100 цэг байсан бол одоогийн байдлаар шахмал түлш борлуулах 6 цэг байгаа нь иргэдэд хангалтгүй байгаа юм.

Нэг хороонд тухай хорооны нутаг дэвсгэр, хүн амын нягтралаас шалтгаалан 2-4 шахмал түлш борлуулах цэг байх ёстой бол одоогоор 3 хорооны дунд нэг л шахмал түлш борлуулах цэг байгаа нь цаг агаар сэрүүсэж буй энэ үед иргэдийн зутарч даарах нөхцөл байдал болж байна.

Иргэд шахмал түлш худалдаж авахын тулд өглөө 5 цагаас эхлэн дугаарлаж байгаа ба Корона вирусийн халдвар авсан иргэд гэрээр эмчлүүлж байгаа энэ үед түлшгүй улмаас даарч өвчин нь хүндрэх гэх мэт бэрхшээл их байна. Энэ бол нийслэлийн удирдлагуудын гаргасан буруу шийдвэртэй холбоотой.

Иймд Ардчилсан намаас гарсан нийслэлийн иргэдийн төлөөлөгчидийн зүгээс шахмал түлшний түгээлт, нийлүүлэлтийг нэн яаралтай нэмэгдүүлэхийг Хотын дарга Д.Сумъяабазараас шаардаж байна.

---