Баянзүрх дүүргийн 4, 12 дугаар хорооны иргэд гэр хорооллын дахин төлөвлөлт нэрийдлээр 7-8 жил хохирсон талаараа мэдээлэл хийлээ.

"Их өргөө" ХХК 2004 онд БЗД-ийн дөрвөн хорооны 184 иргэнтэй дахин төлөвлөлт хийнэ гэж газрыг чөлөөлж, орон сууц барихаар гэрээ хийжээ. Иргэн Г.Эрдэнэбилэг дахин төлөвлөлтөд хамрагдаж, өөрийн хашаа байшингаа орон сууцаар солихоор болсон байна. Гэвч өнөөдрийг хүртэл долоон жилийн хугацаанд хашаа, байшингүй, орон сууцгүй энд тэнд хэсүүчлэн амьдарч байгаа ажээ.

Энэ бүхний ард дахин төлөвлөлтийг гүйцэтгэсэн хүмүүс бол Э.Бат-Үүл, түүний хүү Б.Чулуудай хоёр хэмээн мэдэгдлээ.

---